Koyo ngene kahanane dalanan ning kutha Jakarta nek wis bar udan. Opo maneh dina Jumat sore. Wis ora usah sambat nak meh lelungan karo nitih sepeda motor utowo mobil lan taksi. Mesthi macete. Mesthi strese. Mesthi mangkele.
Soko pirang dino kapungkur, trotoar ngarepe kantor panggonku nyambut gawe tambah ajur-ajuran. Ora iso dilewati. Iku amargo pemerintah Jakarta lagi semangat mbangun sumur resapan sing gunane nyalurake banyu udan. Wis ora gumun menowo ning Jakarta banjir kuwi lumrah, opo meneh wayahe rendeng koyo saiki. Mlebu wulan Nopember, udane soyo gede, mendung saben dino. Bu kosku sambat,”Pakeane ora garing-garing amargo mendung.” Pas udan gede wingi, bu kosku yo dadi wedhi olehe nyetriko klambi. Ndheke wedhi menowo kilate nyamber kabel listrik terus nyetrum awake sing pas lagi nyekel setriko. Dadine bu kos luwih milih turu wae. Nyetrikone mbengi sakwise udanr mandhek.
Perkoro sumur resapan, aku yo setuju wae karo pak Jokowi lan Ahok. Ananging kuwi pelaksanaane ojo sampek kesuwen. Delengen dhewe ning ndhalan koyo piye kuwi kahanane. Wis dalane macete gawe emosi, ditambah trotoare ajur mumur lagi diorak arik mbangun sumur. Yo sing sabar wae. Tapi menowo oleh menehi masukan, apike mbangune pas mongso ketigo. Dadi ora kebak blethok dalane mlaku.
Tapi nek wis kedarung yo piye maneh. Sing penting ora suwe-suwe iku mbangune pak! Aku emoh lho nek suwe-suwe nggawene.
Akhlis's Blog 
apik ik tulisan nem nganggo boso jowo xixixixixi ^_^